To'lov va qaytarish tartibi

To'lov qanday ishlaydi

Edufayl'da xizmatlar ichki hisob (balans) orqali to'lanadi. Avval hisobni to'ldirasiz, keyin buyurtma berasiz — xizmat narxi balansdan yechiladi. Narx buyurtma berishdan oldin ko'rsatiladi.

Hisob Telegram ID'ingizga bog'langan. Uni botda yoki saytdagi «Hamyon» bo'limida ko'rasiz.

Bir martalik to'lov: kamida 1 000 so'm, ko'pi bilan 5 000 000 so'm.

To'lov usullari

• Uzum Bank — botdagi yoki saytdagi «Uzum Bank orqali» tugmasi Uzum ilovasini ochadi, Telegram ID va summa avtomatik to'ldiriladi. Ilovada to'lovni tasdiqlaysiz — summa darhol hisobga tushadi. Uzum ilovasida xizmatni qidirib, Telegram ID'ingizni qo'lda kiritib ham to'lash mumkin.
• Click — «Click orqali» tugmasi my.click.uz to'lov sahifasini ochadi. To'lov o'tishi bilan summa avtomatik hisobga tushadi.
• Payme — «Payme orqali» tugmasi Payme to'lov sahifasini ochadi. To'lov o'tishi bilan summa avtomatik hisobga tushadi.
• Kartaga o'tkazma — ko'rsatilgan kartaga pul o'tkazib, to'lov chekini botga yoki saytga yuklaysiz. Chek tekshirilgach summa hisobga qo'shiladi; admin tasdig'i kerak bo'lsa, natija Telegramga keladi.

Karta ma'lumotlari faqat bank va to'lov tizimi sahifasida kiritiladi. Edufayl karta raqami, amal qilish muddati yoki SMS-kodni so'ramaydi va saqlamaydi.

Pul qachon tushadi

• Uzum Bank, Click, Payme — to'lov tasdiqlangach darhol (odatda bir necha soniyada). Botdan «to'lov qabul qilindi» xabari keladi.
• Kartaga o'tkazma — chek tekshirilgach. Odatda bir necha daqiqada, ish vaqtidan tashqari biroz kechroq.

Pul kartadan yechilgan, lekin 30 daqiqa ichida hisobga tushmagan bo'lsa, @javlon58_02 ga to'lov cheki bilan yozing — tekshirib, hisobga qo'shamiz yoki pulni qaytaramiz.

Qaytarish tartibi

• Ishlatilmagan mablag'. Hisobdagi ishlatilmagan summani istalgan vaqtda qaytarishni so'rashingiz mumkin. Pul 10 ish kuni ichida to'lov qilingan kartaga yoki o'sha to'lov tizimi orqali qaytariladi.
• Ishlatilgan mablag'. Ko'rsatilgan xizmat (tayyorlangan va berilgan fayl) uchun yechilgan summa qaytarilmaydi — quyidagi holatlar bundan mustasno.
• Sifatsiz natija. Fayl ochilmasa, buyurtma shartlariga (mavzu, til, hajm) mos kelmasa yoki texnik xato bilan tayyorlangan bo'lsa, 3 kun ichida murojaat qiling — ish bepul qayta tayyorlanadi yoki uning narxi hisobingizga qaytariladi (tanlov sizda).
• Xizmat ko'rsatilmagan. Texnik nosozlik tufayli buyurtma bajarilmasa, summa hisobga avtomatik qaytariladi.
• Ikki marta yechilgan yoki xato to'lov. Summa to'liq qaytariladi.

Qaytarishni qanday so'rash mumkin

• @javlon58_02 ga Telegram orqali yozing yoki pastdagi aloqa ma'lumotlaridan foydalaning;
• Telegram ID'ingizni, summani, to'lov sanasi va usulini ko'rsating, iloji bo'lsa to'lov chekini ilova qiling;
• so'rov 1–3 ish kunida ko'rib chiqiladi, pul 10 ish kuni ichida qaytariladi.

Bank yoki to'lov tizimi tomonidan qaytarish muddati ularning qoidalariga bog'liq bo'lishi mumkin.

Ijrochi rekvizitlari va aloqa

Ijrochi

YTT «MO‘YDINOV JAVLONBEK JUMANAZAR O‘G‘LI»

JShShIR (STIR)

51302036930013

Davlat ro'yxatidan o'tgan

12.10.2026, ro‘yxat raqami 8064919

Manzil

Farg‘ona viloyati, Beshariq tumani, Sho‘r qishlog‘i

Telefon

+998 90 118 03 58

Telegram

@javlon58_02

Sayt

edufayl.org